Жогорку Кеңештин депутаты Дастан Бекешев келерки аптада өлкөдө аба ырайы сууктай турганына байланыштуу мектептерди онлайн окууга өткөрүүнү сунуштады.

Ал белгилегендей, 11-январда мектеп окуучуларынын кышкы каникулу аяктап, алар окууга бара баштайт. Сууктун түшүшү да ошол күндөргө туура келүүдө.

«Бишкектин коомдук унаалары бул суукка даяр эмес. Мектеп менен бала бакчалар даярбы? WhatsApp аркылуу билим берүү министрине онлайн окууну бир нече күнгө узартуу тууралуу ойлонуп көрүүнү сунуштадым», — деп жазды ал.

Булак: NazarNews.kg