Дүйнөдө жетинчи космостук держава пайда болду. Ал биринчи жолу өз конструкциясындагы ракета менен космоско спутниктерди учурууга жетишкен Түштүк Корея болгонун Tengrinews.kz жазды.

Кечээ, 21-июнда Кохеунг космодромунан 200 тонналык Нури суюктук менен иштеген ракета учурулду. Илим министрлиги ракета бир нече спутникти жана төрт CubeSat космостук аппаратын Жердин төмөн орбитасына ийгиликтүү учурганын билдирди.

Түштүк Кореянын президенти Юн Сук Ёл жаңы мамлекеттик агенттикти түзүү аркылуу келечектеги космосту изилдөө программаларын толук колдоону убада кылып, «Биздин мекенибизден ааламга жол ачылды», - деди.

Өкмөт ракетанын техникалык ишенимдүүлүгүн жана туруктуулугун 2027-жылга чейин төрт кошумча учуруу менен жогорулатууну пландаштырууда.

Түштүк Корея азыр АКШ, Орусия, Франция, Кытай, Япония жана Индияга кошулуп, салмагы 1 тонна же андан ашык спутникти орбитага чыгара алган жетинчи өлкө.

Булак: NazarNews.kg