Дубайда жакында күн сайын жамгыр жаай турган көчө ачылат. Имараттарга орнотулган климатты көзөмөлдөө тутумунун жардамы менен “асмандан” тамчылар гана эмес, кар да түшүшү мүмкүн. Бул тууралуу Khaleej Times басылмасы жазды.

Узундугу бир километрди түзгөн көчөнүнү учурда курулуш иштери жүрүп жатат. Дизайнерлер ага Франциянын стилиндеги анча чоң эмес чатырларды коюшкан. Бул жерде температура көзөмөлдөнүп, 27 градус Цельсийге коюлган, абанын нымдуулугу 60%, шамалдын ылдамдыгы саатына беш чакырымды түзөт.

Бул көчөгө рестораны бар курорттук мейманкана аркылуу гана кирүүгө болот. Жамгырлуу аба ырайынан ырахат алууну каалагандар менюдан бир нерсе буюрутма кылышы керек же бөлмө ижарага алышы керек болот.

Булак: NazarNews.kg