Дүйнө жүзүнө белгилүү мультипликатор Уолт Дисней жашаган Палм-Спрингстеги (Калифорния) үй 1,095 миллион долларга сатылды. Бул тууралуу чет элдик басылмалар жазып чыкты.

Маалыматка ылайык, үй 1962-жылы курулган. 227 чарчы метр аянтты камтыган үйдө төрт бөлмө жана төрт жуунуучу бөлмө бар. Короодо бассейн жайгашкан.

Белгилей кетсек, үй Дисней династиясына таандык болуп, 2015-жылы 650,000 долларга сатылган.

Эки жылдан кийин мүлк кайрадан сатыкка коюлган. Анын баасы 865,000 долларды түзгөн.

Булак: NazarNews.org