Министрлер кабинетинин төрагасынын орун басары Эдил Байсалов жаңы бийиктиктерди багынтты. Бул жолу ага «Өлкөнүн башкы популисти» наамы ыйгарылды. Белгилей кетсек, бул номинацияда Байсалов ЖКнын 7-чакырылышынын депутаттарын да басып өткөн.

24.kg басылмасы «Окурмандар өлкөнүн башкы популисти кимди эсептейт?» деген сурамжылоо жүргүзгөн.

Добуш бергендердин жарымынан көбү министрлер кабинетинин төрагасынын орун басарын колдогону маалым болду. Басылманын Telegram-каналында окурмандардын 85% Байсаловдун лидерлигине добуш берген.

Акыркы убакта министрлер кабинетинин төрагасынын орун басарынын дарегине максимум сын айтылууда. Айрым кыргызстандыктар Байсаловду анын билдирүүлөрүндө акыл-эси жок деп айыпташууда.

Анын үстүнө Эдикти чоң кызматтарга дайындалганга чейин билгендер ал өзүнүн приоритеттерин 180 градуска өзгөрткөнүн жар салышат. Буга чейин Байсалов бийликти, анын реформасын катуу сындап келген.

Бирок азыркы бийлик үчүн «мамлекеттик кызматкер» Эдилдин мындай ээнбаштыгы жана популизми өтө кымбатка турат. Анын интервьюлары сый-урматты туудурбай, тамашанын темасына айланат.

Натыйжада бул элдин арасындагы бийликтин рейтингине жана имиджине терс таасирин тийгизүүдө. Мындан тышкары, анын депутаттар менен болгон согушу өлкөдөгү курч маселелерди чечүүнүн ордуна коомчулукта кыжырданууну жаратууда. Көпчүлүк азыркы бийликтин кадр саясатын сындай баштады.

Сенека айткандай: «Кошоматчылык ар кимди акылсыз кылат, ар кимди өз өлчөмү менен», деп жазат «ПолитЛомбард», - телеграм каналы.

Эске салсак, Эдил Байсалов 2-февралда Марал FM радиосуна курган маегинде Жогорку Кеңеш тууралуу пикирин билдирген. Ал парламенттин VII чакырылышында тажрыйбалуу депутаттар бар экенин, бирок жалпы курамы сапатсыз экенин айткан. Айрым маселелер боюнча депутаттар маалымат алуу үчүн өкмөттүн көп убактысын алып жатканын билдирген.

Жогорку Кеңештин 3-февралдагы жыйынында бир катар депутаттар Байсаловдун бул сөздөрүнө каршы пикирлерин билдирип, Министрлер кабинетинин төрагасынын орун басарын кызматтан алууга чейинки сунуштарды берген.

Булак: NazarNews.kg