Егор Криддин ырлары өспүрүмдөргө зыян келтирет

Журналист: NAZARNEWS

27.10.2019, 2:10

21180

дүйнө жүзүндө

Орусиянын байланыш, маалыматтык технология жана массалык коммуникациялар боюнча федералдык көзөмөлдөө кызматы Егор Криддин чыгармачылыгына карата чыгарылган экспертизанын жыйынтыгын жарыялады. Бул тууралуу орусиялык маалымат булактары жазып чыгышты.

Маалыматка караганда, экспертизанын авторлору ырчынын чыгармачылыгы өспүрүмдөрдүн психикасына, башкача айтканда калыптанышына терс таасирин тийгизип жатканын айтып, анын чыгармачылыгына чектөө коюу сунушун киргизишкен. Коюлган чектөө боюнча Егордун ырларын 18 жаштан улуу адамдар гана уга алышат. Экспертизаны аймак арасындагы коомдук уюм “Социалдык маалымат улуттук кеңешинин” комиссиясы жүргүзгөн.

Экспертизанын жыйынтыгы боюнча ырчынын ырларындагы чыгармачылыгы Орусиянын маданиятына каршы келет. Егор өзүнө көңүл бурдуруу үчүн ырларында адепсиз сөздөрдү көп колдонот.

Мындан сырткары, мындай технологиялар маалыматтык жана психологиялык курал болуп саналат. Башкача айтканда, калктын жана экономиканын өсүшүн талкалоого багытталган.

Булак: NazarNews.kg