Жогорку Кеңештин мурдагы депутаты Исхак Масалиев эмне үчүн депутаттык мандатын тапшырганын журналисттерге түшүндүрүп берди.

Анын айтымында, чечим ички себептердин натыйжасында кабыл алынган эмес. “Мага эч ким басым көрсөткөн жок. Жөн эле мындай болушу мүмкүн эмес жана эч ким сураган да жок. Жашоо ушундай экен. Бир аз принциптер бар, ошондуктан мен кетүүнү чечтим”, - деп белгилеген Исхак Масалиев.

Ошондой эле ал бүгүнкү, 60 жашка чыккан күнү сыймыктана турган иш жасагандыгын айткан.  “Партиянын тизмеси менен октябрда боло турган шайлоого барамынбы же жокпу билбеймин. Убакыт көрсөтөт”, - деп кошумчалаган саясатчы.

Эске салсак, бүгүн, 21-май-туулган күнүндө Исхак Масалиев депутаттык мандатын тапшырды. Анын ордуна “Өнүгүү-Прогресс” партиясынан Нургазы Айдаров келет.

Булак: NazarNews.org