№ 68 Анкердик мамы толугу менен сырдалып, 35 кВ «Таш-Булак-Бекен» аба чубалгысына тоскоолдук жараткан бак-дарактар буталды. Бул тууралуу маалыматты жеринен билдирди. 

Жогорку чыңалуудагы электр жабдууларын тейлөө кызматынын адистери областтын бардык жерлеринде 2019-2020-жылдын күз-кыш айларына карата оңдоп-түзөө жумуштарын улантышууда. Кезектеги оңдоо жумуштары Сузак районуна караштуу Винсовхоз айылындагы 35/10 кВ «Бекен» көмөк чордонунда болду.

Аталган көмөк чордондун ичиндеги трансформаторлорду сырдоо жумуштары жүрдү. Андан сырткары сапатын сактоо максатында  № 68 Анкердик мамы толугу менен сырдалды. Талапка ылайык анкердик мамыларды өз учурунда сырдап туруу керек, антпесе темир анкерлерди  дат басып, убакыттын өтүшү менен сапаты жоготууга учурайт.  Ушул эле күнү 35 кВ “Таш-Булак-Бекен” аба чубалгысынын 61- 62 электр мамыларынын аралыгындагы электр аба чубалгыларына тоскоолдук жараткан бак-дарактарды бутоо жумуштары да жүрдү.

Булак: NazarNews.kg