Түркия Вашингтондун Анкаранын F-16 согуштук учактарын сатып алуусу боюнча оң чечими чыкканга чейин октябрда Швециянын НАТОго мүчөлүк арызын ратификациялоону токтоткусу келет. Бул тууралуу “Рейтер” агенттиги кабарлады.

«F-16 жана Швеция маселесинде ишенимдин жоктугун эске алуу менен Түркия НАТОнун арызын ратификациялоого шашпайт. Ошол эле учурда АКШ керектүү чараларды көрүп жатканы ырастоону күтүп жатат», - деди өлкөнүн башкаруучу Адилеттик жана өнүгүү партиясынын атын атабаган расмий өкүлү.

Бүгүн, 16-октябрда Hürriyet гезити октябрь айынын башында АКШ аскерлери террорчуларга каршы операцияда түрк учкучсуз учагын атып түшүргөндөн кийин Анкара Швециянын сунушун ратификациялоо боюнча позициясын кайра карап чыгышы мүмкүн экенин жазды. Басылманын айтымында, Эрдоган бул окуяга байланыштуу акыркы күндөрү АКШны кескин сынга алган.

Маалымат үчүн, Түркия АКШдан 40 F-16 согуштук учагын жана учурдагы учактары үчүн 80 Block 70 жаңыртуу комплекттерин сураган. Америкалык мыйзам чыгаруучулар АКШнын башка өлкөлөргө курал сатуусуна бөгөт коюшу мүмкүн. АКШнын мамлекеттик катчысы Энтони Блинкен Конгресстин кээ бир мүчөлөрү Түркияны мындай жүктөрдү Швециянын НАТОго кирүү үчүн Анкаранын кадамдары менен байланыштырууга чакырганын айтты.

Швецияны НАТОго кабыл алуу жөнүндөгү протоколду альянстын 31 өлкөсү ратификациялады. Аны Түркия менен Венгрия гана ратификациялай элек.

Маалымат үчүн айта кетсек, НАТО, Түркия жана Швеция ортосунда бул документти Анкара эртерээк ратификациялоо боюнча келишим альянстын июлда Вильнюста өткөн саммитине чейин жетишилген. Бирок түрк тарап арызды жактыруу үчүн бир нече шарттарды, анын ичинде терроризмге каршы күрөшүү жана Евробиримдик менен экономикалык жана визалык интеграцияны тездетүү боюнча кызматташууну койду.

Булак: NazarNews.kg