Ак калпак кийсе жарашкан,

Ааламдын элин караткан.

Аруу эл кыргыз улуу журт,

Ак дилден өсүп бараткан.

Ала-Тоо сыңар калпагы,

Асманды тиреп заңкайган.

Абалтан келген касиеттүү,

Асыл нарк, насил салттардан.

Акыйкат жолун сүйгөн эл,

Ай аалам колдоп жүргөн эл.

Атанын баркын баалган,

Ата журт үчүн күйгөн эл.

Ар намыс үчүн тик турган,

Айттырбай сезип кулпурган.

Акылы тунук даанышман,

Айланам кыргыз журтумдан.

Автор: Эсенбек Абдыкадыров

Булак: NazarNews.kg