World Population Review веб-сайтына ылайык, 2023-жылы Индияда жашаган адамдардын саны Кытайда жашагандардын санынан ашты. Башка нерселер менен катар, ал ар кандай өлкөлөрдүн тургундарынын санын көзөмөлдөп, сандарды дайыма жаңыртып турат.

18-апрель саат 04:27ге карата Индиянын калкынын саны 1 миллиард 425 миллион 957 миң 726 адамды, Кытайда — 1 миллиард 425 миллион 743 миң 461 адамды түздү.

2022-жылы Кытай биринчи орунда болгон. Анын калкы 2022-жылдын аягында 1 миллиард 425 миллион 887 миң 337 адамды түзгөн. Индияда – 1 миллиард 417 миллион 173 миң 173 адам болгон.

Бириккен Улуттар Уюмунун 2022-жылга карата калкынын дүйнөлүк перспективалары баяндамасында Индия 2023-жылы Кытайды басып өтүп, дүйнөдөгү эң жыш өлкө катары болжолдонуп жатканы айтылган. 

World Population Review өзүн саясаттан тышкары көз карандысыз уюм катары көрсөтөт.

Булак: NazarNews.kg