Чыгыш Индияда жүздөгөн адамдардын өмүрүн алган ири масштабдуу үч поезд кырсыгына жүргүнчү ташыган экспресс поезддин бир нече вагонунун рельстен чыгып кетиши себеп болду. Бул тууралуу ишемби күнү журналисттерге "Индия темир жолу" мамлекеттик ишканасынын аткаруучу директору Амитабх Шарма билдирди.

"Бул кырсыкка эки жүргүнчү поезди активдүү катышкан. Үчүнчү поезд, токтоп турган жүк ташыган поезд да кырсыкка кабылган",-дейт аткаруучу директор.

Шарманын айтымында, тергөөнүн биринчи маалыматтарына ылайык, Ченнайга бараткан экспресс поезддин бир нече вагондору азырынча түшүнүксүз себептерден улам рельстен чыгып, параллелдүү жолдо турган жүк поездине кагышкан. Көптөгөн вагондор оодарылып кеткен. Көп өтпөй келе жаткан жүргүнчү поезди рельстен чыгып кеткен вагондор менен кагылышкан. Эки окуя бир нече мүнөттүн ичинде эле болуп кеткен. Күбөлөрдүн айтымында, кырсык жума күнү саат 18:50дөн 19:10го чейин (Бишкек убактысы боюнча 19:20 жана 19:40) болгон.

“Индия темир жолдору коопсуздук тутумдарындагы мүмкүн болгон мүчүлүштүк тууралуу суроолордун алкагында өзгөчө кырдаалдын жагдайлары жана себептери боюнча иликтөө жүргүзөт”,-деди Шарма.

Кырсык болгон жерде куткаруу иштери түнү бою уланды. Agence France-Presse булактарына таянып, 288 адам өлгөнүн кабарлады. Индиянын маалымат каражаттары бул цифраны азырынча тастыктай элек — алардын айтымында, каза болгондордун саны 238 болгон, бирок ал дагы өсүшү мүмкүн экени белгиленет. 900гө жакын адам жаракат алган.

 

 

 

 

Посмотреть эту публикацию в Instagram

 

 

 

 

 

 

 

 

 

 

 

Публикация от NazarNews.org (@nazarnews_org)

Булак: NazarNews.kg