Кабул эл аралык аэропорту жакынкы арада өз ишин жандантат, деп билдирет Аль-Жазира телеканалы Ооганстандын Катардагы элчиси Саид бин Мубарак Аль-Хаяринге шилтеме берип.

"Адистердин тобу аэропортту гуманитардык жардамдар менен учууларды кабыл алууга даярдап коюшкан жана жакынкы аралыкта жарандык каттамдарды кабыл алууга даяр болот", - деп айтылат маалыматта.

Анын айтымында, Кабулдагы Хамид Карзай аэропортунан буга чейин эки аба каттамы ачылган-Мазари-Шарифке жана Кандагарга.

Афганистандагы абал

Августтун биринчи декадасында талибдер Афганистандын өкмөттүк күчтөрүнө жасаган чабуулдарын активештире баштаган. Алар ири шаарларга кол салып, 15-августта Кабулга киришкендигин жана президенттик сарайды алгандыгын кабарлашкан.

Афганистандын президенти Ашраф Гани "кандуу булоондун алдын алыш үчүн" өлкөдөн чыгып кеткендигин билдирген. Ал эми 16-августка караган түнү "Талибандын"* саясий кеңсесинин өкүлү Мухаммед Наим Афганистандагы согуш аяктагандыгын жар салган.

Гани өлкөдөн качкандан үч күн өткөн соң Бириккен Араб Эмирлигинен видео кайрылуу жасап, жакынкы күндөрү мекенине кайрылып келерин айткан. Вице-президент Амрулла Салех Баш мыйзам боюнча мамлекеттин башчысы болуп каларын билдирип, талибдерге курал менен каршы чыгууга чакырык жасаган.

Учурда Афганистандан кара жол аркылуу чыккан чек аралардын бардыгын талибдер каратып алган. Афганистандыктар менен анда иштеп жаткан чет элдик миссиялардын кызматкерлерин Кабулдагы аэропорт аркылуу алып чыгып кетип жатышат. Бүгүнкү күндө ал АКШ менен НАТО күчтөрү кармап турган бирден-бир аймак.

Булак: NazarNews.kg