Ош облусунда сабалып ооруканага түшкөн окуучу боюнча иш тергелип жатат. Бул тууралуу облустук ички иштер башкармалыгынын басма сөз кызматы кабарлады.

Маалыматка ылайык, окуя 13-апрелде Кара-Суу районунун Отуз-Адыр айыл аймагына караштуу Кара-Дөбө айылында болгон. Анда сабалган 8-класстын окуучусу аймактык ооруканага түшкөн.

Милиция ал окуучу дене тарбия мугалиминин ур-токмогуна кабылганын төмөнкүчө түшүндүрдү.

"13-апрелде Отуз-Адыр айыл аймагынын Кара-Дөбө айылында жайгашкан М.Тешебаев атындагы орто мектептин имаратынын ичинде ушул эле мектептин 8-классынын окуучусу дене тарбия сабагынын мугалими “Эмне үчүн журналды карайсың?” деп эки колу менен кулагынан чоюп, уруп денесине жаракат келтирген.
Бул факты боюнча топтолгон материал 2021-жылдын 14-апрелинде Кара-Суу РИИБинин тергөө кызматы тарабынан Жоруктар кодексинин 66-беренесинин 1-бөлүмү менен Кара-Суу РИИБинин КЖБРне катталып, сотко чейинки өндүрүш иши башталган.
Учурда аталган иш Кара-Суу РИИБинин ЖЖИББдин алгачкы текшерүү иштери боюнча кызматы тарабынан тийиштүү тергөө аракеттери улантылууда", - дешти мекемеден.

Булак: NazarNews.kg