Казакстан Улуттук коопсуздук комитети ички иштер органдары менен бирге Актөбө жана Түштүк-Казакстан облустарында атайын операцияларды өткөрүп, диний кастыкты козутууга, терроризмди үгүттөөгө шектелген 11 жаранды кармаганын жарыялады.

Атайын кызматтын билдирүүсүндө эл аралык “Ислам мамлекети” террордук уюмун колдоп, диний материалдарды жайылткан төрт радикалдуу топтун ишмердүүлүгү токтотулганы кабарланат.

Буга чейин Сирияда ИМ тобунун катарында Казакстандын жүздөгөн жараны согушуп жүргөнү маалымдалган.

Булак: "centralasian.org"