Шымкентте жол полициясынын кызматкерлери эреже бузган учурларды видеого тартып, аларды интернетке жарыялап келгендиги менен белгилүү жарандык активист Руслан Жанпеисовго карата кылмыш иши козголду. Ал адамдардан «опузалап акча талап кылган» деп айыпталууда.

Облустук ички иштер департаментинин басма сөз кызматынын маалыматына караганда, «Автомобилисттерге жардамдашуу коомунун» мурдагы активисти Руслан Жанпеисов өткөн аптада кармалып, Абай райондук сотунун чечими менен эки айга камакка алынган.

Маалымдалгандай,полиция Шымкенттин тургуну «видеолорду интернетке жарыялайм деп коркутуу менен жабырлануучулардан акча талап кылып жаткандыгы» тууралуу ыкчам маалыматка ээ болгондон кийиин активистти кармаган.

Ички иштер департаменти активист «50 миң теңге алып жаткан жеринен» кармалып, учурда анын иши боюнча тергөө аракеттери башталганын билдирүүдө.

Булак: "centralasian.org"