Талас районунун Көк-Кашат айылынын тургундары өздөрү жасап алган электр карагайлары менен күн кечирип жатышат. Алар өзүндөрүнүн көйгөйүн жергиликтүү маалымат булактарына билдиришкен. 

«Биз өзүбүздү айылдын жетим балдарындай эле көрөбүз. Ушундай чоң айыл болуп туруп, көчөлөргө электр карагайлары тартылган эмес. Канча жылдан бери арызданбаган жерибиз калган жок. Үй ичинде болор болбос лампочкадан жарык тийсе сүйүнөбүз. Өзүбүз колго жасаган карагайды элестетип жатасыздар да. Баары эскирип, кооптуу абалда турат. Азыркы заман талабына жараша жашап,үйдөн электр энергиясынын жардамы менен үй техникаларын колдонолу десең кайра эле ушул электр энергия көйгөйү турат», - деди алар.

Булак: NazarNews.kg