Баткен облусунун Лейлек районундагы 2013-жылы Кыргызстандын карамагына өткөн Катта-Туз мунай кени кайрадан Тажикстандын пайдалануусунда калды. Кен Кыргызстанга кайтарылганда, Катта-Туз кени жайгашкан аймакта иштеген тажик жарандары чыгарылган болчу.

Мындан эки жыл мурун аталган тилкеге тажик жарандары кайрадан кирип, мунай кенин иштете баштаган. Мына эми ошол кенди кайрадан Тажикстан алып койду. Чек ара чырын атайлап чыгарып, биздин бийликтин алсыздыгынан пайдаланып шарт коюп, кенди алып коюшканы коомчулукта катуу талкууланууда.

Булак: "Фабула"