Быйыл Бишкек мэриясы борбор калаа үчүн жаңы жылдык жасалгаларды сатып албайт. Бул тууралуу кечээки жыйында мэрдин м.а. Балбак Түлөбаев билдирди.

Ал  бул жылы Бишкек шаарынын бюджетинде каражат жок экенин белгиледи. Ошондуктан, борбор калаа эски жасалгалар менен кооздолушу мүмкүн.

“Жаңы декорацияларды сатып алууга мүмкүнчүлүк жок, концертти да өз күчүбүз менен өткөрүшүбүз керек. Жаңы жылдык балатыны орнотобуз, ал эми аны былтыркы жасалгалар менен кооздойбуз деп жатабыз. Кандай болгон күндө дагы, бардыгы шаардыктардын макулдугу менен болот , – деди ал.

Булак: NazarNews.kg