Бишкек мэриясынын тиешелүү органдары тарабынан жарандарды ташуу үчүн кошумча транспорт изделүүдө. Бул тууралуу маалымат жыйында Бишкек шаардык транспорт маселелери боюнча вице-мэри Русланбек Акылбеков билдирди.

Анын айтымында, азыркы учурда Бишкек мэриясынын кызматкерлери ташуучу компаниялар менен сүйлөшүүлөрдү жүргүзүүдө.

«Өз кезегинде «Манас» эл аралк аэропорту» ААК шаардыктарды ташуу үчүн Бишкек мэриясына 4 автобус берди», - деди ал.

Белгилей кетсек, бүгүн, 2-июнда борбор шаарда коомдук транспорттун тартыштыгы байкалууда, маршруттук таксилердин айдоочулары жол кире акысын көтөрүп берүү талабы менен иш ташташкан.

Буга чейин ушул сыяктуу кырдаал ушул жылдын кышында болгон.

Булак: NazarNews.kg