Улуттук коопсуздук боюнча мамлекеттик комитетинин маалыматына ылайык, 10 тонна күйүүчү майды Тажикстанга алып өтүп бара жаткан жеринен кыргызстандык жаран кармалды. Күйүүчү майдын тиешелүү документтери болгон эмес. Автоцистерна Лейлек районунун Ак-Арык айылынан Тажикстанга кирип бараткан жеринен кармалган.

Маалыматка ылайык күйүүчү май ташыган жаран чек арадан мыйзамсыз өтүү фактысы боюнча сотко чейинки ачылган иштин алкагында колго түштү.

Кыргызстандан Тажикстанга экспорттолгон күйүүчү майдын көлөмү тууралуу так маалымат жок. Эксперттер кыргыз-тажик чек арасынан күйүүчү май негизинен аткезчилик жол менен алып өтүлөрүн айтып келишет.

Булак: NazarNews.kg