Муфтий Ресторан ачып жүрсө, башкасы кайда барат?

Журналист: NAZARNEWS

10.03.2019, 0:00

23077

коом

Мусулмандар дин башкармалыгынын башчысы, азирети Муфтий Максат ажы Токтомушев Бишкек шаарын-дагы "Black Star Burger" деген аталыштагы ресторандын ачылыш аземине катышып сөз сүйлөгөн. Ресторандагы тамактануучу жай орусиялык белгилүү рэпер Тиматиге таандык жана жакын арада анын өзүнүн келүүсү да күтүлүүдө. Муфтий ресторандын ачылышынын лентасын кесип, алардын ишине ак жол тилеген. Албетте, кыргыз салтында ар бир жакшы иштин башталышында аксакалдарды чакырып, ак бата алуу салты бар.

Максаты ажы кайдан кары болсун? Сыягы, Кыргызстан Муфтийинин өзүнө берилген милдеттемелерди так аткаруусу керек болгон шарттары бар экенин унутта калтырган окшобойбу. Жакынынын жакшылыгына бара берсе болот дедиби же "бирдеме" кыстарып, кыйчалыш жолду тазалап беришкенби? Ким билсин, турмуштун туташ кыйын жагдайлары, ала чолодо акыретте бериле турган суроолордон да бийик туруп калып жатпайбы.

Ал жай диний иштерге эч бир байланышы болбогон, анан калса эртең арап-шарап ичилип кала турган жайы дагы болуп калышы толук мүмкүн да. Мына ушуну эске алганда, Муфтий Максат ажы чоң ката кетиргенин ачык эле айтып коюуга болот. Бул боюнча өзү дагы эл алдына жооп берет деп ишенип туралы.

Булак: "Факт.кж гезити"