Айдоочулардын иш таштоосу элге болгон кыянаттык. Мындай пикирди Жогорку Кеңештин депутаты Нурбек Тотонов билдирди.

--"Жол кире маселеси комитетте дагы бир нече жолу каралган. Бир чети айдоочулардын коюп жаткан талабын түшүнсө болот, себеби күйүүчү май кымбат болуп жатат. Бүгүнкү күндө бири-бирибизди колдоп, жардам бере турган учур. Кырдаалды билип туруп, эскертүү бербей иш таштагандары туура эмес. Жаңы автобустарды алып келүүгө мэриянын кудурети жетет", - деди депутат.

Белгилей кетсек, бүгүн, 3-июнда да Бишкектеги жүргүнчү ташыган маршруттук таксилер каттамга чыккан жок. Алар 2-июнда иш таштап, жол кире акысын котөрүүнү талап кылууда.

Булак: NazarNews.kg