Бристоль университетинин (Улуу Британия) окумуштуулары италиялык кесиптештери менен биргеликте “карылыкка каршы” генди аныкташты.

Белгилүү болгондой, 100 жана андан көп жыл жашаган адамдар башкаларга караганда жүрөк-кан тамыр ооруларына азыраак чалдыгышат. Окумуштуулар узак жашоо туура жашоого гана эмес, генетикалык ыктуулукка да байланыштуу деген тыянакка келишкен.

Илимий иштин авторлору жүрөктү дени сак абалда кармоого жардам берген LAV-BPIFB4 генин аныкташкан. Карыган чычкандар эмделгенде алардын жүрөгү орто жаштагы кемирүүчүлөрдүн жүрөгүндөй иштей баштаган. Окумуштуулардын айтымында, адамдарда бул ген жүрөктү 10 жылга жашарта алат.

Окуу үч жылга созулду. Адамдын клеткалары боюнча да изилдөөлөр жүргүзүлгөн. Карыган жүрөк оорулууларынан алынган жүрөк клеткаларынын үлгүлөрү гендин күчүнө кирип, чыныгы жашартуу процесси башталганын көрсөттү. Перициттер (жаңы кан тамырлардын өсүшүнө көмөктөшүүчү клеткалар) картаюудан улам жоголгон функцияларын кайра калыбына келтиришти.

Учурда окумуштуулар белоктун адамдарга тийгизген таасирин текшерүү үчүн клиникалык сыноолорго даярданууда.