Сабак учурунда окуучуга кол көтөргөн Лебединовка айылындагы №1 мектеп-гимназиясынын тарых мугалими Жылдыз Садырбаева Райкан Шүкүрбеков атындагы №38 мектеп-гимназиясынын окуу-тарбия комплексинин мектебине директор болуп шайланды.

Билим берүү министрлиги тарабынан бекитилген Бишкек шаарынын мектеп директорлорунун сынагынын жеңүүчүлөрү тизмегинен төмөнкүдөй, Жылдыз Садырбаева 58 упай (72,5 пайыз) алды. Өтүү баллы 60 пайызды түзөт.

Эске салсак, 21-январда Лебединовка айылындагы No1 гимназия мектебинин окуучулары классташын сабап жаткан мугалимди видеого тартып алышкан.

Окуучулардын ата-энелери балдар системалуу түрдө сабалып жатканын айтып, мугалимди жумуштан кетирүүнү талап кылышкан. Мугалим убактылуу иштен четтетилип, кийинчерээк жумушуна кайра кайтып келген.

№38 гимназия мектебинде 4 миңге жакын бала билим алып, 200дөн ашык мугалим жана кызматкерлер эмгектенет. 110 комплект класс бар, анын ичинен 41 башталгыч класстар.

Булак: NazarNews.kg