Эки күн мурун, 9-январда Бишкектин Биринчи Май районунда пилоттук долбоордун алкагында таштанды сорттоочу пункт иштей баштаган. Бишкек мэриясынан билдиришкендей, сорттоочу пункт Панфилов көч, 188/2 дареги боюнча орнотулган.

Сорттоо пункту бардык зарыл болгон эл аралык стандарттарга жооп берет жана 12 евроконтейнерлерге ээ. Мындан башка бардык зарыл шарттар бар. Бул долбоор менен мэрия шаардыктарга таштандыларды өзүнчө чогултуу маданиятын жайылтууну каалайт.

Бирок 11-январь күнү пункт ишке киргенден эки күн өткөндөн кийин жергиликтүү тургундар сорттоочу жайды стандарттуу таштанды челек катары пайдаланып, таштандыларды ылгабай ыргытып жатканын көрүүгө болот.