Мамлекеттик салык кызматы үстүбүздөгү жылдын биринчи кварталында (январь-март айларында) 21 миллиард 743 миллион сом салык жана төлөмдөрдү чогултту. Бул тууралуу аталган органдын маалымат кызматы билдирди.

Мында белгиленген пландан 1 миллиард 320 миллион сомго ашыгы менен жыйналганы белгиленет. Ал эми 2020-жылдын ушул мезгилине салыштырмалуу 4 миллиард 658 миллион сомго көп чогулган.

Үч айлык салыктын 17,1 миллиард сому республикалык бюджетке, 4,64 миллиард сому жергиликтүү бюджетке түшкөн.

Булак: NazarNews.kg