«Северэлектро» ААКы Бишкек шаарындагы көп кабаттуу үйлөргө 0,4 кВ жаңы кабелдерди орнотуу иштерин улантууда.

Жалпысынан бул жылы борбор шаарыбызда 27 чакырым эски кабелдер жаңысына алмашылат, анын ичинде: Батыш райондук электр тармактарында -9 чакырым, Чыгыш райондук электр тармактарында -18 чакырым.  

Чыгыш райондук электр тармактарында 26 турак-жай курулуштарына жаңы кабелдер салынат.  Алар: Тыныстанов, Суеркулов, Малдыбаев, Ахунбаев көчөлөрү менен чектелген чарчысында; Ибраимов/Гоголь, Москва/ Чуйков көчөлөрүнүн участокторунда.

Батыш районунун электр тармактарында 9 чакырым кабель 62 көп кабаттуу үйгө чейин салынат. Алар: Аскер шаарчасы, “Манас” кинотеатрынын аймагы,  Ахунбаев, Джунусалиев, Шота Руставели;

Малдыбаев, Панфилов;

Токтогул/Калык Акиев;

Молодая Гвардия/Москва;

Молодая Гвардия/Чокморов көчөлөрүнүн участокторуна салынат.

Эске сала кетсек, көп кабаттуу үйлөрдүн ортосундагы эски, өткөрүмдүүлүгү 70-95 мм² болгон кабелдер өткөн кылымдын 60-70-жылдары резерв кылууга мүмкүн болбогон туюк схема менен салынган.  Учурдагы салынып жаткан кабелдин ток өткөрүмдүүлүгү мурунку кабелдерге салыштырмалуу жогору (120-150 мм²),  авариялык өчүрүүлөр маалында көпчүлүк участоктордо кошумча резервдик кабелдер каралган.

«Бирок көп кабаттуу үйлөрдү үзгүлтүксүз жана сапаттуу электр энергиясы менен камсыз кылабыз десек, анда турак-жай жана үй башкармалыктарынын балансындагы магистралдык линияларды, үй ичиндеги тармактардагы кабелдерди толугу менен алмаштырыш керек” –деп белгилешти «Северэлектронун» адистери.

Маалымкат

2018-жылдагы ЖЭБдеги авария учурунда «Северэлектро» ААК Бишкек шаары боюнча 200 көп кабаттуу үйгө 25 чакырым 0,4 кВ кабель тарткан. 3-, 9-, 11-кичи райондорунда, 10-кичи районунун түштүк-батыш бөлүгү, 7-кичирайонунун батыш бөлүгү, 5-кичирайонунун борбордук бөлүгү,  Ахунбаев/Токтоналиев, Ахунбаев/Ч.Айтматов, Шота Руставели, Сухомлинов, Целинная, Патрис Лумумба көчөлөрүндөгү эски кабелдер толугу менен жаңы кабелге алмаштырылган.

Терең урматтоо менен, 
"Түндүк электр" ААК басма сөз кызматы

Булак: NazarNews.kg