Президенттик шайлоо 10-январда саат эртең мененки 8:00дө башталат. Мыйзам боюнча шайлоого чейин 24 саат калганда үгүт жүргүзүү токтотулат.

Борбордук шайлоо комиссиясынын укук бөлүмү билдиргендей, “жымжырттык күнү” үгүт жүргүзгөндөр мыйзам бузду деп табылат.

--“Жымжырттык күнүндө эл аралап үгүт жүргүзүүгө, маалымат каражаттары аркылуу жарнамаларды жарыялоого тыюу салынат. Бирок буга чейин көчөлөргө илинген көрнөк-жарнактар кала берет”,-деп айтылат маалыматта.

Кыргызстанда кезексиз президенттик шайлоо жана мамлекетти башкаруу формасын тандоо боюнча референдум 10-январда өтөт. Үгүт өнөктүгү 15-декабрда башталган. Президенттик жарышка 17 талапкер чыкты.

Бул макала NazarNews басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын уруксаты менен гана мүмкүн.

Булак: NazarNews.kg