www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - ترى العالم في عينيك www.NazarNews.kg NazarNews - 你眼中的世界! www.NazarNews.kg NazarNews - dünya gözünüzde! www.NazarNews.kg NazarNews - The world in your eyes! www.NazarNews.kg Биздин байланыш: +996 779 028 383 www.NazarNews.kg Email: [email protected] www.NazarNews.kg WhatsApp кабар: +996 779 028 383 www.NazarNews.kg
Жапырт нааразылык акциялардын катышуучулары отставкасын талап кылып жаткан Шри-Ланканын президенти Готабая Раджапакса шаршемби күнү эртең менен өлкөдөн чыгып кетти. Ал Аскер-аба күчтөрүнүн учагы менен Мальдив аралдарына барганы кабарланууда.
9-июлда Шри-Ланканын борбор шаары Коломбодо митингчилер президенттин резиденциясын ээлеп алышкан. Раджапакса аскерлердин кайтаруусунда жүргөн. Парламент спикери президент 13-июлда кызматтан кетүүгө макул болгонун айткан. Бирок ал отставкасы тууралуу жарыялабастан эле өлкөдөн чыгып кетти. Бул маалымат акция катышуучуларынын жаңы нааразылыгын жаратты.
Ал арада Шри-Ланканын премьер-министри Ранил Викремесингхе өзүн президенттин милдетин аткаруучу деп жарыялап, өлкөдө өзгөчө абал режимин киргизүү чечимин кабыл алганын билдирди. Бирок митингчилер премьердин да отставкасын талап кылып жатышат. Учурда Коломбодогу өкмөт имаратына чабуул болуп жатканы кабарланууда.
Бул нааразылыктар Шри-Ланкада уланып жаткан экономикалык жана саясий каатчылыктын фонунда болууда.
Булак: NazarNews.kg
< Предыдущий
Следующий >
Последние новости
