29-мартта өтө турган оппозициянын митингине Бишкектин Ленин райондук соту тыюу салды. Бул тууралуу жарандык активист Адил Турдукулов билдирди.

Анын айтымында, сотко митинг өткөрүүгө тыюу салуу өтүнүчү менен Ленин райондук администрациясы кайрылган. Турдукулов соттун бул чечимин мыйзамсыз деп эсептейт.

"Биз митинг өткөрүү тууралуу арызыбызды бир ай мурда эле бергенбиз", - деди ал.

Оппозициялык маанайдагы жарандык активисттер 29-мартта Коомдук телерадиокорпорациянын имаратынын алдында митинг өткөрүп, бир тараптуу оппозицияны каралаган маалыматты токтотуу, сөз эркиндигине кысым кылбоо жана башка талаптарды айтышмак.

Булак: "centralasian.org"