Бүгүн, 9-сентябрда УКМКнын төрагасы Камчыбек Ташиев Атайын кызматтын Жалал-Абад облустук Башкы башкармалыгына жаңыдан курулган спорткомплексинин ачылыш аземине катышты. Бул тууралуу аталган комитеттин басма сөз кызматынан билдиришти. 

Маалыматка ылайык, спорткомплекс заманбап спорт жабдыктары менен жабдылып, машыгуу жана ден соолуктуу чыңдоо үчүн зарыл болгон бардык шарттар камсыздалган.

"Атайын кызматтын кызматкерлери ар дайым ыкчам даярдыкта болушу керек, ден соолукту чыңдоо жана спорт менен машыгуу күч түзүмдөрүнүн кызматкерлери үчүн күнүмдүк зарыл талап. Шарттардын жакшыртылышы менен өлкө башчысы тарабынан мамлекеттин коопсуздугун камсыз кылуу багытындагы талаптар дагы күчөтүлүп жатат", - дейт Ташиев.

Булак: NazarNews.kg