Кыргызстандын кооз жерлеринин сүрөттөрү Дубайдагы көргөзмөгө коюлат. Бул тууралуу сүрөттөрдүн автору Нурсултан Аттокуров өзүнүн Facebook баракчасына билдирди.

«Мен сиздер менен маанилүү жана жагымдуу жаңылылыкты бөлүшүүгө шашылып жатам. Менин 8 сүрөтүм алдыда Дубайда өтө турган «Экспо-2021» көргөзмөсүнө көрсөтүлүүгө жактырылды. Көргөзмө 2020-жылдан 2021-жылга жылдырылган. Батаева Элмира жана КРнын соода-өнөр жай палатасына ыраазычылыгымды билдирем. Бул мен үчүн чоң жетишкендик, анткени мен өзүмдүн сүрөттөрүмдү дүйнө жүзүнө көрсөтө алам. Жакын арада сиздерде бул сүрөттөрдү көрүүгө мүмкүнчүлүк түзүлөт», - деди сүрөтчү.

Эске сала кетсек, пандемияга байланыштуу Эл аралык көргөзмө бюросуна кирген өлкөлөр Дубайда өтүүчү «Экспо-2020» көргөзмөсүн бир жылга жылдырууга добуш беришкен.

Иш-чара 2021-жылдын 1-октябрынан 2022-жылдын 31-мартына чейин өтөт.

Булак: NazarNews.kg