Шоумэн жана тамада Бакыт Байсариевдин жеке жашоосу тууралуу акыркы күндөрү чуулу кептер айтылып келген. Алардын бирине Бакыт комментарий берсе, бирде бербей жашырып келген. Бул кептердин баардыгына чекит коюу үчүн шоумэн үч айдан ашык убакыт тойго камданып, экинчи жубайы Алияга мыйзамдуу түрдө баш кошту. Түгөйлөрдүн үлпөт тою борборубуздагы ресторандардын биринде өтүп, анда кыргыз эстрадасынын белгилүү жылдыздары мейман болуп кайтышты. Учурда Бакыт менен Алия Айчолпон аттуу кызды тарбиялашууда.

Эскерте кетсек, шоумэн буга чейин Наргиза аттуу сулууга баш кошуп, бир уул, бир кыздуу болгон. Түгөйлөр мындан эки жыл мурун эки ажырым жолго түшүшкөн.

Аруужан Булекбаева, NazarNews.kg