Сузак районунун Ынтымак айылында күйөөсү токмоктогон 34 жаштагы келин райондук оорукананын сынык жарат бөлүмүндө дарыланып жатат. Бул тууралуу аталган оорукананын өкүлдөрү жергиликтүү маалымат булактарынын бирине билдирди.

Маалыматка караганда, 14-январда жаткырылган бейтаптын мээси чайкалып, мурдунан жаракат алган. Мындан сырткары эки көзүнүн тегерегинде көк ала издер да бар.

Жалал-Абад облустук ички иштер башкармалыгынын басма сөз кызматынын окуя 13-январда күндүзү катталганын маалымдады.

“Аялдын арызынын негизинде Жазык кодексинин «Ээнбаштык» беренеси менен сотко чейинки өндүрүш иши ачылып, тергөө амалдары жүргүзүлүп жатат. Токмоктолгон келинге соттук-медициналык экспертиза дайындалып, анын жыйынтыгына жараша окуяга юридикалык баа берилет”,- деп айтылат маалыматта.

Алында ала алынган маалыматтар боюнча, 4 балалуу келин Ынтымак айылында күйөөсү менен көп жылдан бери батирде турушат. Зомбулук фактылары бул үй-бүлөдө буга чейин да катталып турган. Өзү айылдагы мектепте мугалим, күйөөсү ошол эле жерде күзөтчү болуп иштейт.

Булак: NazarNews.kg