“Суу түтүктөрүн өзүбүздүн ата-мекендик өндрүшчүлөрдөн сатып алсын”. Мындай пикирди депутат Эмил Токтошев бүгүн, 3-октябрдагы парламенттин ар түрдүү маселелер жыйынында билдирди.

- Сиздерден сураныч, тендер өткөндөн кийин подрядчиктерге ушундай талап койсоңуздар. Бизге маалыматтар келди, подрядчиктер Казакстандын, Кытайдын түтүктөрүн колдонушуп, биздин өндүрүшчүлөрдүн ошондой эле сапаттагы чыгарган түтүктөрү өтпөй калыптыр.

Белгилей кетсек, бүгүн Жогорку Кеңештин депутаттары таза суу долбоорун ратификациялоо үчүн өкмөт өкүлдөрү жана шаар мэрлеринин маалыматтарын угушту. Анда белгилүү болгондой, подрядчикти тандоо тендерин ар бир мэрия жана алардын алдындагы консультанттар чогуу өткөрүшөт.

Булак: NazarNews.kg