TikTok өспүрүмдөр үчүн жаңы чектөөлөрдү киргизет

Журналист: АЙСУЛУУ ТАЛАНТ

02.03.2023, 12:41

13457

дүйнө жүзүндө

TikTok өспүрүмдөр үчүн колдонуу убактысын күнүнө 60 мүнөткө чейин чектейт. Бул тууралуу “The Verge” кабарлады.

Өзгөрүүлөргө ылайык, 18 жашка чейинки колдонуучуга таандык ар бир аккаунт автоматтык түрдө суткасына 60 мүнөт тиркемени колдонуу менен чектелет. Уруксат берилген чектин аягында өспүрүмдөр социалдык тармакты колдонууну улантуу үчүн паролду киргизүүнү талап кылат.

13 жашка чыга элек колдонуучулар ата-энеси же жакынына сыр сөз берилип, уруксат берилсе гана кошумча 30 мүнөттүк видео көрүү мүмкүнчүлүгүнө ээ болушат.

«Иштеп чыгуучулар «Үй-бүлөлүк жөндөөлөргө» кошумча функцияларды кошот. Мисалы, жашы жете элек колдонуучулардын ата-энелери же жакындары каалаган мөөнөттү өз алдынча белгилей алышат. Ошондой эле жуманын күнүнө жараша мөөнөттүн башка узактыгын белгилей алышат. Бирок ата-энелер TikTok эскертмелерин өспүрүмдөр үчүн график боюнча өчүрө алышат. Учурда 13-15 жаштагы колдонуучулар саат 21:00дөн, ал эми 16-17 жаштагы өспүрүмдөр 22:00дөн баштап билдирмелерди алышпайт. Мындан тышкары, өспүрүмдөр TikTokто канча убакыт өткөргөндүгү жөнүндө ата-энелер жума сайын отчет алышат»,- деп берилет маалыматта.

Белгилей кетсек, өзгөрүүлөр жакынкы убакытта иштелип чыгып, бардык колдонуучуларга жеткиликтүү болот.

Булак: NazarNews.kg