Ишемби күнү Түркиядан тышкары жашаган өлкөнүн жарандары президенттик шайлоонун экинчи туруна добуш бере башташты. 73 өлкөдө 167 шайлоо участогу ачылганын Anadolu кабарлады.

Түркиянын чет элдик өкүлчүлүктөрүндө добуш берүү процесси 24-майга чейин уланат. Республиканын чек ара пункттарында, кургактагы өткөрүү пункттарында, аэропортторунда жана деңиз портторунда 28-май күнү саат 17:00гө чейин добуш берүүгө болот.

Чет өлкөдө катталган түрк шайлоочуларынын көбү Германияда жашашат – бир жарым миллионго жакын адам.

Тандоо өлкөнүн азыркы президенти Режеп Тайып Эрдоган менен оппозициянын бирдиктүү талапкери Кемаль Кылычдароглунун ортосунда жасалат.

Түркиянын өзүндө жекшемби күнү, 28-майда шайлоонун экинчи айлампасы өтөт. Шайлоонун биринчи турунда Эрдоган Кылычдароглудан төрт жарым пайыз гана алдыда болгон.

Булак: NazarNews.kg