Түркмөнстанда мөөнөтүнөн мурда президенттик шайлоо ушул жылдын 12-мартында өтөөрүн Түркмөнстандын Борбордук шайлоо комиссиясынын төрагасынын жардамчысы Безирген Караев "РИА Новости" сайтына билдирди.

Бир күн мурун парламенттин жогорку палатасынын кезексиз жыйынында Түркмөнстандын президенти Гурбангулы Бердымухамедов жаш лидерлердин өкмөтүнө жол берүү керектигин айткан.

Түркмөнстандык басылмалардын маалыматына караганда, буга байланыштуу Шайлоо жана референдум өткөрүү боюнча борбордук комиссиянын төрагасына Түркмөнстандын Конституциясына жана мыйзамдарына ылайык тиешелүү иштерди баштоо тапшырылган.

Булак: NazarNews.kg