УКМК алдамчылык беренеси менен КЖБРга катталган сотко чейинки өндүрүш ишинин алкагында издөөгө алынган Талас шаардык кеңешинин мурдагы депутаты Ж.С.ны кармады. Бул тууралуу УКМКнын басма сөз кызматы билдирди.

Ж.С. 2017-жылы чет элдик инвесторлорду алдап, материалдык мүлккө жана 7 млн сомдон ашык акчага ээ болгон. Андан кийин ИИМ тарабынан издөөгө алынган.

Бишкек шаарынын Биринчи май райондук сотунун чечими менен, Ж.С. 18-октябрга чейин УКМКнын абагына камакка алынды.

Ж.С. деген инициалдарга Талас шаардык кеңешинин мурдагы депутаты Жоробеков Самидин Сагынбековичтин аты-жөнү туура келет.

Булак: NazarNews.kg