Бундесверде (Германиянын Куралдуу күчтөрү) курал-жарак кору жетишсиз болууда. Бул тууралуу ZDF телеканалына аталган мамлекеттин ТИМ башчысы Анналена Бербок билдиргенин РИА Новости жазды.

Дипломат ошол себептен Германиядан Украинага курал-жарак этияттык менен жеткирилип жатканын белгилеген.

"Тилекке каршы, кырдаал ушундай. Курал-жарак кору өзүбүздө жетишсиз. Бул көйгөйдөн улам аскердик өнөр жай атайын Украина үчүн өндүрүш баштоого аргасыз болду" — деген дипломат.

Орусиянын Украинадагы атайын аскердик операциясынан улам Батыш мамлекеттери Украинага курал-жарак жеткирүүнү улантууда. Москва мындай иш-аракеттер чыр-чатакты токтотпой, тескерисинче, созо турганын бир нече жолу айткан.

Булак: NazarNews.kg