www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - ترى العالم في عينيك www.NazarNews.kg NazarNews - 你眼中的世界! www.NazarNews.kg NazarNews - dünya gözünüzde! www.NazarNews.kg NazarNews - The world in your eyes! www.NazarNews.kg Биздин байланыш: +996 779 028 383 www.NazarNews.kg Email: [email protected] www.NazarNews.kg WhatsApp кабар: +996 779 028 383 www.NazarNews.kg
Улуу Британияда газ эки күндүн ичинде түгөнүшү мүмкүн — өлкөнүн кампаларында болгону эки күнгө жетпеген газ кору калган. Мындай абал дүйнөлүк энергия ресурстары рыногундагы үзгүлтүктөрдөн улам жаралганын Daily Mail басылмасы билдирди.
Газ транспорт системасынын оператору National Gas берген маалыматка ылайык, Британиянын газ сактоочу жайларында азыр болжол менен 6,7–7 миң гигаватт-саат газ бар. Бул өткөн жылдагы көлөмдөн кыйла аз болуп, өлкөнүн ички керектөөсүн болгону бир жарым-эки күнгө гана камсыздай алат.
Ошол эле учурда Жакынкы Чыгыштан суюлтулган жаратылыш газын (СЖГ) ташыган айрым танкерлер багытын өзгөртүп, баалар жогору болгон Азияга кетип жатышат. Натыйжада Британия газ сатып алуу үчүн көбүрөөк төлөөгө мажбур болууда. Өлкөдө азыр Европадагы эң жогорку дүң газ баалары катталды.
Эксперттер Британиянын абалы кооптуу болуп баратканын белгилешет. Себеби өлкөнүн газ сактоочу жайлары салыштырмалуу кичине, ал эми импортко көз карандылыгы жогору — негизинен Норвегиядан келген газга жана АКШдан жеткирилген СЖГга таянат.
Буга чейин Европа Биримдигине мүчө өлкөлөр да эки негизги себептен улам ири энергетикалык кризистин босогосунда турганы айтылган.
< Предыдущий
Следующий >
Последние новости
