www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - ترى العالم في عينيك www.NazarNews.kg NazarNews - 你眼中的世界! www.NazarNews.kg NazarNews - dünya gözünüzde! www.NazarNews.kg NazarNews - The world in your eyes! www.NazarNews.kg Биздин байланыш: +996 779 028 383 www.NazarNews.kg Email: [email protected] www.NazarNews.kg WhatsApp кабар: +996 779 028 383 www.NazarNews.kg
Кыргыз эл артисти, УТРКнын “Улутман” көрсөтүүсүнүн алып баруучусу Түгөлбай Казаков ардактуу эс алууга кетти. Бул тууралуу УТРК жазды.
"Ар бир мекемеде, министрликте муун алмашуу процесси жүрүп турат. Аны ызы-чуусуз эле нормалдуу ишке ашыруу маданиятынын калыптанып жатышы кубандырат. Бир кездерде пенсия жашына келген ардагерлерди аларга маалымат бермек түгүл, айтпай-дебей иштен кетирип жиберген учурлар болгон. Бүгүнкү сый урмат менен узатуу эми жакшы жөрөлгө катары сакталып калышы керек. Профессионалдуу иштин калыптанып жатканы жакшы көрүнүш", - дейт Казаков.
"Анан калса, биз эс алууга чыктык деп тим болбой, жаш кадрларды окутуп-үйрөтүүгө салым кошолу. Профессионалдуу режиссерлерго муктаждык бар. Телережиссерлер тартыш, жокко эсе. Кадр менен кандай иштөө керек, режиссерлук чеберчилик деген эмне, айтоор режиссуранын татаал жолун улам келе турган муун улам жаңылап жүрүп отурса, ошондо кадрлык таңсыктык болбойт эле", - деген оюн кошумчалады.
Мындан сырткары, Улуттук каналдын жаңылануусун жана жетекчиликке ийгиликтерди кааларын билдирди.
Булак: NazarNews.kg
< Предыдущий
Следующий >
Последние новости
