Манас таануучу, философия илимдеринин кандидаты Гүлзат Аалиева: Ашынган динчилер Манаска асылып, аны порнографиялык түрдө мазактаганда, мен 2017-жылы бийликке кайрылып, андай экстремисттерге каршы чара көрүлүш керек десем, тескерисинче, динчилер мени сотко берип, 2021-жылдын апрелинде мен 48 саатка камакта отуруп чыктым.

Сот 2021-жылдын июлунда башталып, 2022-жылдын ноябрында Биринчи май райондук соту мени актады, бирок кийин Бишкек шаардык соту мени күнөөлүү деп таап, 100 миң сомдук айып төлөө тууралуу чечим чыгарды. Бийликтин кайдыгерлигинен улам, Кыргызстанда азыр ислам менен катар исламизм дагы өнүгүп кетти жана ашкере динчилер кыргыздын улуттук баалуулуктарына кол салып, маданиятыбызга зыян тийгизүүдө.