Журналист, тилчи, котормочу, Чүйдөгү Кашка-Суу айылынын тургуну Айнур Дыйканалиева: Байтик-баатырдын атын бир бийик чокуга берсе болмок, бизде болсо тоолор менен мөңгүлөр чет өлкөлүктөрдүн атын алып жүрөт. Бишкектин түштүк жагындагы Байтиктин Бас-Бөлтөк тоосун ар башка ишкерлер жырткычтык менен казып, ал кыйрандыга учурап баратат, тоонун алдында туннелдер да курулуп, өзүнчө шаар пайда болгон деген да сөздөр бар. Ошол эле учурда президент тарабынан быйыл 10-февралда кол коюлган «Кыргыз Республикасынын 2040-жылга чейинки суу боюнча улуттук стратегиясында» Кыргызстандын жалпы аянты «199 миң 900 км²» дегендин ордуна миң эсе аз – «199,9 км²» деп жазылып калган. Ушундайга чейин жеттик...