Коомдук ишмер Топчубек Тургуналиев: Кыргыз эли жана кыргыз цивилизациясы өз «алтын доорун» жашап өткөн экен, «Манас» менен башка жазма жана оозеки эстеликтерде – бир кезде адилет мезгил өмүр сүргөн, эл бай жашаган, коомдо теңчилик болгон деп айтылат. Аны Илгиз Гилязетдинов – жетесине жеткен коом деп которгон. Ошол эле мезгилде, коом менен элден ыйман кеткенде, андай доор дагы аяктап, мамлекет менен элдин күчү да таркайт экен.

Экинчи да маселе бар. Батыш мамлекеттери акыркы бир нече жүз жылда илим менен техниканын өнүгүшү менен эбегейсиз деңгээлге жетти, бирок ошол эле ыйман менен адилеттүүлүк экинчи же үчүнчү мааниде болуп калгандыктан, жетесине жетип калган мамлекеттер кайрадан жапайычылыкка бурулуп, улам жаңы согуш баштап, өзөктүк куралды колдонуп жиберүү коркунучу пайда болууда. Бириккен улуттар уюму реформаланып, дүйнөлүк өкмөт түзүлүп, ошолор эле абалды оңдобосо, жагдай азыр бир топ опурталдуу...