«Шоро» ишканасынын негиздөөчүлөрүнүн бири, Табылды Эгембердиевдин бир тууган иниси, «Кара-Булак» эс алуу жайынын негиздөөчүсү Жумадил Эгембердиев: Максым чыгарып, аны лимонад менен квастын катарына кошуп, дүкөн текчелерине коюу идеясы 1985-жылы пайда болгон, бирок ал 7 жылдан кийин гана, 1992-жылы ишке ашты. Андан соң «Супара» менен «Чуңкурчакты» курдук, азыр мен «Кара-Булак» эс алуу жайын жасадым, тоо арасындагы туристтик жайга айланууда. Туризмге жана деги эле ишкерликке болгон мамилени өзгөртүп, коом менен элге кандай пайда алып келсем болот деген ой менен иштеп, башкаларга үлгү болуш керек...