“Ысык-Көлдүн экологиясы мышык ыйлай турган абалда, браконьерлер икра таштап жаткан сига балыгын күндүзү эле кенен-кесири кармап жатышат”.

Бул тууралуу Кыргыз Республикасынын Шахмат федерациясынын вице-президенти Сыймык Жапыкеев Фейсбуктагы жеке баракчасына жазып чыкты.

Анын жазганына караганда, экологияны мурун Экологиялык милиция менен прокуратура кайтарчу. “Экотехинспекция браконьерлер менен бир. Браконьерлердин саны 200дөн ашат. Алар 2 миң сомдон берип коюп, кенен-кесири каптап балыктарды кармап жатышат. Жакында балык калбай калат”, -деп жазган ал.

Булак: NazarNews.kg