Индиянын баш калаасы Дели шаарындагы эл аралык аэропортто алтын аткезчилигине тиешеси бар сегиз өзбек жараны кармалды. Бул тууралуу индиялык басылмалар өлкөнүн Бажы башкармалыгына шилтеме кылып кабарлашты.

Рейддин жүрүшүндө жалпы салмагы 5,3 килограммды, баасы 35 миңди түзгөн 50 алтын чынжырча конфискацияланган.

Алар 15-августта Ташкенттен учуп келген үч аялдын багажынын арткы бөлүгүндөгү кошумча жасалган кутудан табылган.

Текшерүүнүн жүрүшүндө буга тиешеси бар жалпысынан сегиз жүргүнчү аныкталып, камакка алынды. Алардын баары Өзбекстандын жарандары.

Жергиликтүү полиция бул факты боюнча тергөө иштерин баштады.

AirCustoms@IGIA have arrested 8 pax arrived from Tashkent after 5.319 kg of gold (50 chains) valued at Rs. 2.93 Cr, were recovered from them and seized. Further investigations are ongoing. pic.twitter.com/Sh1UUfnbPd

— Delhi Customs (Airport & General) (@AirportGenCus) August 16, 2023