www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - ترى العالم في عينيك www.NazarNews.kg NazarNews - 你眼中的世界! www.NazarNews.kg NazarNews - dünya gözünüzde! www.NazarNews.kg NazarNews - The world in your eyes! www.NazarNews.kg Биздин байланыш: +996 779 028 383 www.NazarNews.kg Email: [email protected] www.NazarNews.kg WhatsApp кабар: +996 779 028 383 www.NazarNews.kg
Кузбасстагы Листвяжная шахтасында кырсыкка кабылгандарды издөө учурунда каза болду деп жаткан алты куткаруучунун бирөө - Александр Заковряшин тирүү табылды.
Бүгүн эртең менен куткаруучу топтун 6 мүчөсүнө "Эрдик" орденин каза болгондон кийин ыйгаруу чечими чыккан.
Тирүү калган куткаруучу ооруканага жеткирилип, дарыгерлер анын абалын "орточо" деп баалады.
Кемерово облусунун губернатору Сергей Цивилев "менимче, биз башка эч кимисин эми тирүү таба албайбыз. Бул чоң жарылуудан кийин көп адам өлдү. Ошондон кийин бир адамдын тирүү калганы чоң керемет", - деди ал.
Листвяжная шахтасындагы кырсыктан 52 адам, анын ичинде 6 куткаруучу каза болгонун кечээ, 25-ноябрда жергиликтүү бийлик кабарлаган.
Шахтада дайынсыз жоголгон шахтерлордун эч кимиси куткарылган эмес.
Кемерово тоо-кен куткаруу отрядынын командири Юрий Шенин айтымында, "азыр авариялык абалга келген жерде пайда болгон газдан кимдир бирөө аман калат деп айтуу мүмкүн эмес".
Бейшемби күнү "Листвяжная" 250 метр тереңдиктеги вентиляциялык дрейфте түтүн каптаган. Мунун себеби, ТАСС булагы билдиргендей, көмүр чаңынан от тутанып, андан кийин түтүн шахтага жайылып кеткен.
25-ноябрдын кечинде Орусиянын башкы прокурорунун орун басары Дмитрий Демешин журналисттерге Кузбасстагы шахтадагы окуяга болжолдуу түрдө метандын жарылышы себеп болгонун билдирди.
Булак: NazarNews.kg
< Предыдущий
Следующий >
Последние новости
